MB Dogg ni miongoni mwa majina yaliyoshiriki kwenye kuichora ramani iliyotumika kwenye ujenzi wa kiwanda ya muziki wa Bongo fleva miaka kadhaa iliyopita. Hits zake kama Latifah, Si uliniambia, Inamaana na zingine zilimuweka kwenye nafasi za juu kipindi hicho akiwa chini ya Tip Top Connection.
Hivi sasa jina la MB Dogg liko kwenye orodha ya wasanii wa zamani walioshindwa kurudi na kukaa kwenye nafasi zao, na msanii mwenzake Madee wa Tip Top anaifahamu sababu iliyomkwamisha MB Dogg ashindwe kurudi juu baada ya kutoka kwenye familia yao.
“Kwanza unadhani kwanini MB Dogg toka atoke Tip Top hasikiki, kwasababu MB wakati yuko Tip Top alikuwa analelewa kama yai na Abdu bonge. Mb Dogg alikuwa akitoa wimbo anabaki nyumbani bonge ndio anasambaza, Mb Dogg ye anapigiwa tu simu kesho kuna show Mwanza hela yako hii nenda kaimbe kwahiyo hajuani na mtu yeyote.” Alisema Madee kupitia 255 ya XXL.
“Sasa alivyokuja kutoka Tip Top vile vitu kwake vikawa vigeni sasa, atoe nyimbo aanze kumface steve B, Dj Venture ni vitu vigeni kwake, nadhani hii ndio kitu ambayo imemtatiza mpaka sasa hivi ameshindwa kurudi kwenye nafasi yake.” Alimaliza Madee.
0 comments:
Post a Comment